"Mahal Construction", "Mahal Şirkətlər Qrupu"na daxil tikinti şirkətidir.
"Mahal Construction" tərəfindən icra olunan layihələr:
- "ÇİNAR".
Bina, Bakı şəhəri, Yeni Yasamal qəsəbəsi, Məhəmməd Xiyabani küçəsi 14 ünvanında inşa edilib.
Hündürlüyü 60 metr, gövdə çevrəsi üzrə ölçüsü 202 metr olan bu binanın 17 mərtəbəsində (2-ci mərtəbədən 18-ci mərtəbəyə kimi), 1,2,3 və 4 otaqlı, 202 mənzil yerləşir. Buradan 17 və 78 nömrəli avtobuslar ilə 7-10 dəqiqəyə “İnşaatçılar” metro stansiyasına və əks istiqamətdə hərəkət etməklə, rahatlıqla şəhərin digər hissələrinə hərəkət etmək mümkündür. “20 Yanvar” metro stansiyası kompleksdən avtomobil ilə 10-12 dəqiqəlik məsafədə yerləşir.
Binəqədi rayonu 205 nömrəli tam orta məktəb, 1930-cu ildən fəaliyyət göstərirdi.
Məktəb Azərbaycanın Milli Qəhrəmanı Rövşən İmanovun adını daşıyır.
Azərbaycan Respublikasının Prezidenti İlham Əliyevin 2019-cu il 15 yanvar tarixli Sərəncamına uyğun olaraq "Bakı şəhərinin və onun qəsəbələrinin sosial-iqtisadi inkişafına dair Dövlət Proqramı" na əsasən məktəb sökülərək, "Mahal Consruction" şirkəti tərəfindən yenidən inşa edilib və 2021-ci il, 22 sentyabr tarixində istifadəyə verilib. Məktəb İki korpus və hər korpusda 4 mərtəbə olmaqla, 960 şagird tutumludur.
